Qadın və Uşaq Sığınacağı · Bakı
Fəaliyyətimiz
Sığınacaq qadınlar və uşaqlar üçün evdir. Burada təhlükəsizlik, təhsil, sağlamlıq və gələcək üçün peşə bir yerdədir.
Təhlükəsiz yaşayış yeri
Zorakılığa məruz qalmış qadınlara və uşaqlara, valideyn himayəsindən məhrum uşaqlara sığınacaq veririk.
Zorakılığa məruz qalmış qadınlar və uşaqlar sığınacağımızda təhlükəsiz məskunlaşır. Valideyn himayəsindən məhrum uşaqlar da burada yaşayır.
Polis və dövlət qurumlarının yönləndirdiyi qadınları və uşaqları qəbul edirik. 2006-cı ildən fəaliyyət göstəririk.
Bu yaxınlarda
Küçədə qalan 67 yaşlı xanım gecə polis tərəfindən sığınacağa yerləşdirildi.
Paylaşıma baxSığınacağa qəbul etdiyimiz xanıma qayğı, müalicə və sakit bir mühit veririk ki, sağlamlığına yenidən qovuşsun.
Paylaşıma bax
Təhsilə davam üçün dəstək
Uşaqlar üçün məktəb forması və ləvazimatı toplayırıq. Könüllü müəllimlər onların dərslərinə kömək edir.
Uşaqları məktəbə hazırlamaq üçün forma, ayaqqabı, çanta və dəftər-qələm toplayırıq. Könüllü müəllimlər uşaqların təhsilinə dəstək verir.
Sığınacaqda yaşayan gənclər kollec və peşə məktəbində də təhsillərini davam etdirirlər. Məktəbə hazırlıqla yanaşı, bu təhsil yolunda da onlara dəstək oluruq.
Bu yaxınlarda
Yeni dərs ili üçün sığınacaqda yaşayan bütün uşaqların məktəb ləvazimatı təmin olundu.
Paylaşıma baxİllər əvvəl sığınacağa gələn qızımız kollecə qəbul oldu.
Paylaşıma baxUniversitetə hazırlaşan qızımıza 5 könüllü müəllim qoşuldu.
Paylaşıma bax
Sağlamlıq üçün dəstək
Könüllü həkimlər uşaqları ödənişsiz müayinə edir. Eynək və eşitmə aparatı kimi ehtiyacları dəstəkçilərlə birlikdə qarşılayırıq.
Könüllü həkimlər sığınacaqda yaşayan uşaqları ödənişsiz müayinə edir. Bu dəstək sayəsində uşaqlar göz müayinəsindən keçir, ehtiyacı olanlar eynəklə təmin olunur.
Eşitmə aparatı üçün də yardım kampaniyası keçirmişik. Toplanan dəstəklə aparatın xərcləri qarşılanıb.
Bu yaxınlarda
Həkim Mahir Məmmədzadə qızımızı ödənişsiz müayinə etdi və ona eynək aldı.
Paylaşıma baxGecə xəstələnən körpəmizi Dr Jalə xanım xəstəxanaya qəbul etdi və tam ödənişsiz müalicə etdirdi.
Paylaşıma baxEşitmə qabiliyyəti zəifləyən qızımız üçün 9 000 manatlıq qulaq aparatı aksiyası keçirdik. Xərclər qarşılandı.
Paylaşıma bax
Gündəlik qayğı və istirahət
Uşaqların yemək istəklərini nəzərə alır, yoqa məşğələləri və bayram tədbirləri ilə istirahətlərinə yer ayırırıq.
Sığınacaqda gündəlik qidalanmanın qayğısına qalırıq. Yemək hazırlayarkən uşaqların istəklərini də nəzərə alırıq.
Uşaqlar yoqa məşğələlərinə qatılır, bayram tədbirlərində iştirak edirlər. Gündəlik həyatlarında istirahətə və birlikdə vaxt keçirməyə yer ayırırıq.
Bu yaxınlarda
Azersun Holdingin hədiyyə etdiyi bonus kartla ərzaq aldıq və uşaqların istədiyi düşbərəni bişirdik.
Paylaşıma baxUşaqlar yoqa dərsində hərəkətlər və nəfəs məşqləri öyrəndi.
Paylaşıma baxSocial Bee Agency, Peynirci Baba, Bimland və BTS Travel uşaqlarımız üçün xüsusi bir gün təşkil etdi.
Paylaşıma bax
Uşaqların ailəyə qayıdışı
Şərait imkan verdikdə uşaqların analarına və ya yaxın qohumlarına qovuşmasına, evə təhlükəsiz qayıtmasına kömək edirik.
Şərait imkan verdikdə uşaqların analarına və ya yaxın qohumlarına qovuşmasına kömək edirik. Onların evə təhlükəsiz qayıtmasına dəstək oluruq.
Bu yaxınlarda
Azyaşlı qızımıza xalası sahib çıxdı.
Paylaşıma baxNənə nəvəsinə sahib çıxdı, onu tezliklə sığınacaqdan evinə aparacaq.
Paylaşıma baxMüalicəsini bitirən ana qızını sığınacaqdan öz evinə apardı.
Paylaşıma bax
Peşə öyrənmək və təcrübə
Dərzilik kursları və peşə təhsili ilə sənət öyrənməyə dəstək olur, öyrənilənləri tətbiq etmək üçün təcrübə yeri axtarırıq.
Sığınacaq sakinlərinin peşə öyrənməsinə dəstək veririk. Dərzilik kursları və peşə məktəbində təhsil bu işin bir hissəsidir.
Peşə öyrənən sakinlər üçün təcrübə yeri axtarırıq. Usta və sahibkarların dəstəyi onlara öyrəndiklərini iş şəraitində tətbiq etmək imkanı verə bilər.
Bu yaxınlarda
Uzun illər sığınacaqda qalan xanım dərzilik kurslarına gedərək bu sənəti tam öyrəndi.
Paylaşıma baxPeşə məktəbinə daxil olan qızımız üçün praktika yeri axtarırıq.
Paylaşıma bax
Maarifləndirmə və kampaniyalar
Zorakılığa qarşı çıxır, qızların təhsil və bərabər qayğı hüququnu müdafiə edirik. Sığınacağın ehtiyacları üçün ianə kampaniyaları keçiririk.
Qadınlara və uşaqlara qarşı zorakılıq barədə açıq danışırıq. Qızların təhsil hüququnu müdafiə edirik. “Qız övladı” kampaniyamızla qızlara ailədə bərabər qayğı göstərilməsinə çağırırıq.
Sığınacağın ehtiyacları üçün ianə kampaniyaları keçiririk. Avtobus almaq üçün keçirdiyimiz kampaniya buna bir nümunədir. Sonradan avtobus hədiyyə olunub və kampaniya başa çatıb.
Bu yaxınlarda
11 yaşlı uşağın daşıdığı ağır çantanı göstərərək yaşa görə yük normativinin məktəblərə şamil olunub olunmadığını soruşduq.
Paylaşıma baxQız övladı kampaniyasına yenidən başladıq.
Paylaşıma bax
Necə kömək edə bilərsiniz
Kartla və ya onlayn ianə edə, lazım olan əşyaları gətirə, vaxtınızı və peşənizi bölüşə bilərsiniz.